Криптовалутите и тамошната водечка валута Биткоин стануваат се повеќе актуелни по победата на Трамп на претседателските избори во САД.
Биткоинот како подобра алтернатива
Кјубан верува дека во случај на нова економска криза или финансиска нестабилност, биткоинот би можел да биде подобра опција од златото. Како пример, тој го спомена колапсот на доларот, истакнувајќи зошто биткоинот би бил попрактичен.
Иако златото има своја вредност, според него постојат значајни проблеми, особено со златните полуги. „Златото е тешко, лесно може да биде украдено и не е практично за замена со стоки и услуги. Луѓето не одат по улица со златни полуги,“ изјави Кјубан.
Од друга страна, биткоинот е складиран во дигитални паричници на мобилни телефони или компјутери, што го прави полесен за користење. Тој е погоден за купување стоки со помала вредност, испраќање пари во странство, како и за брза купопродажба. Поради овие причини, Кјубан верува дека биткоинот има поголема вредност во однос на златото.
Разлики меѓу златото и криптовалутите
Како што објаснија на CNBC, цената на златото обично се движи различно од цените на акциите и обврзниците. Во време на економски кризи, кога цените на акциите паѓаат, инвеститорите бараат сигурно засолниште, а за многумина тоа е златото, поради што неговата цена расте.
Криптовалутите, пак, зависат од понудата и побарувачката кај инвеститорите, при што нивната цена расте со зголемувањето на побарувачката.