Премиерот Хртистијан Мицкоски вели дека е исклучително задоволен од откупот на земјоделските производи и статистиката објавена од Државниот завод.
-Во вториот квартал имаме околу 60 милиони евра повеќе споредено со она што беше во минатото. Имаме над 26-27% повеќе откупени земјоделски производи споредено со истиот период минатата година кои што како количина се за 7% повеќе споредено со истиот период лани. Земјоделците се еден од приоритетите на оваа Влада, тоа го покажавме изминативе 14 месеци. И очекувам во таа насока да продолжиме и во иднина затоа што производството на храна ни е исклучително важно. Колку повеќе произведуваме, толку помалку увезуваме. Македонија во минатото беше позната како земја производител и извозник на храна, посебно на земјоделски производи. Така и ќе продолжиме во иднина, рече Мицкоски.
Премиерот посочи дека и во иднина главен фокус во нивниот периметар ќе бидат земјоделците.