Амбасадорката на Република Македонија во Бугарија, Агнеза Руси Поповска, ја посети болницата „Николај Пирогов“ во Софија
Амбасадорката на Република Македонија во Бугарија, Агнеза Руси Поповска, ја посети болницата „Николај Пирогов“ во Софија и на извршниот директор Валентин Димитров му врачи признание за лекувањето повредени од трагедијата во Кочани.
За време на посетата, таа се сретна и со тим од Клиниката за изгореници и пластична и реконструктивна хирургија, предводен од проф. Маја Аргирова, д-р Мартин Попов – раководител на Одделот за изгореници и пластична и реконструктивна хирургија – возрасни, д-р Мартин Мартинов – раководител на Одделот за изгореници и пластична и реконструктивна хирургија – деца, д-р Мартин Љубомиров – раководител на Одделот за изгореници и пластична и реконструктивна хирургија – деца, како и доц. проф. Богдан Младенов – раководител на Клиниката за анестезиологија и интензивна нега – деца.
Амбасадорката Агнеза Руси Поповска изрази благодарност до раководството на болницата „Пирогов“ и до целиот медицински персонал кој учествуваше во спасувањето на животите и здравјето на македонските млади. Таа го нагласи придонесот на тимовите на „Пирогов“ кои помогнаа сите деца и млади да преживеат и добро да се опорават.
Тимовите ја информираа амбасадорката за моменталната состојба на пациентите кои продолжуваат да го посетуваат Пирогов според распоредот.
По пожарот во дискотека „Пулс“ во март минатата година, осум настрадани беа примени во „Пирогов“. Тројца од нив беа малолетници на возраст од 15 и 16 години, а останатите петмина од 19 до 31 година.
Во тоа време, д-р Димитров објави дека сите се во сериозна состојба, а тројца беа интубирани.