Рускиот претседател Владимир Путин неколку дена пред годишнината од почетокот на војната во Украина држи говор за состојбата на нацијата пред двата дома на рускиот парламент.
Путин рече дека говорот го држи во многу тешко време, во време кога се случуваат историски промени за Русија и нејзиниот народ.
Секој од нас има голема одговорност. Пред речиси една година, за да го заштитиме нашиот народ од заканите што доаѓаа од режимот во Киев, решивме да почнеме специјална воена операција – рече Путин.
Тој исто така изјави дека „Москва претходно се обиде да го реши проблемот на мирен начин и беше трпелива“.
Меѓутоа, второто сценарио се подготвуваше зад нашиот грб. Кога Русија искрено се обидуваше да најде мирно решение, тие одиграа валкана игра. Нивните одвратни лаги и лицемерие беа видени во Југославија и Сирија. Испадна дека така се однесуваат кон сопствениот народ, им кажуваа лаги за мировните договори во Донбас. Имаше целосни лаги. Инсистиравме да ги заштитиме сопствените интереси, рече Путин.
Toj додаде дека „Западот ги зајакнува воените сили долж границата со Русија“.
Ниту една друга земја нема толку воени бази низ светот како САД. Имаат стотици од нив, целата планета е покриена со нивните бази.
Во декември 2021 година официјално им пристапивме на САД и Европа и побаравме безбедносни гаранции, а добивме директно одбивање. Тогаш стана јасно дека заканата расте и немаше сомнеж дека во февруари 2022 година се е подготвено за акција во Донбас, дека Киев донел оружје и се – рече рускиот претседател.
Тој рече дека „сето тоа е спротивно на документите на Обединетите нации“.
Тие ја почнаа војната, а ние користиме сила за да ја запреме – рече Путин.
Пред да зборува Путин, неговиот портпарол Дмитриј Песков изјави дека рускиот претседател сам го напишал својот говор.
Многумина овој говор го нарекоа историски за Русија и истакнаа дека ова не е обраќање на Путин само до Русија, туку до целиот свет. Се очекува говорот да трае еден час.