Управата на МЗТ Скопје Аеродром и тренерот Васко Атанасов донесоа одлука за спогодбен прекин на соработката. Ваквиот исход следува веднаш по првиот првенствен пораз на актуелниот кошаркарски шампион на гостувањето против екипата на Струмица.
Атанасов го предводеше тимот од 2023 година, остварувајќи забележителни резултати на домашната сцена. За време на својот ангажман, тој стигна до четири шампионски титули во домашниот шампионат во 2023, 2024, 2025 и 2026 година, а трипати триумфираше и во националниот Куп во годините 2024, 2025 и 2026.
Од таборот на клубот најавија дека името на новиот главен стратег ќе биде соопштено во текот на наредните денови. До официјалното назначување на нов шеф на стручниот штаб, тренинзите на сениорската екипа ќе ги водат досегашните помошници Дејан Србиновски и Тино Даневски.
Кошаркарите на МЗТ Скопје Аеродром веќе в недела, на 1 ноември, ги очекува дерби пресметката на домашен терен против составот на Пелистер во рамки на домашното првенство.