Навивачите на Борнмут го искористија меѓусебниот дуел за да го потсетат Рубен Аморим на еден од најнепријатните порази во неговата кариера. Нивната песна од трибините предизвика насмевка кај португалскиот стручњак за време на средбата.
Откако Милан поведе со убедливи 3:0, домашните приврзаници почнаа гласно да скандираат „Рубен Аморим, повторно се случи“. Со овие стихови тие директно алудираа на поразот што Манчестер јунајтед го претрпе од истиот ривал со идентичен резултат во декември 2024 година.
Во тој период Аморим седеше на клупата на Манчестер јунајтед и загуби со 3:0 на домашен терен токму од Борнмут, па навивачите не ја пропуштија шансата повторно да го пецнат за болниот епилог. Португалскиот стратег реагираше со насмевка на провокациите, а целиот момент веднаш беше забележан од телевизиските камери.