Светската туристичка организација на ОН (UNWTO) денеска на вонредна седница го суспендираше членството на Русија.
Руската влада најави повлекување неколку часа пред состанокот.
„Членките на UNWTO гласаа за суспендирање на Русија. На состанокот на првото вонредно Генерално собрание на UNWTO, членовите дебатираа за суспензијата на Русија од Организацијата. Русија одби да ја засили и да ја брани својата позиција и најави повлекување од UNWTO“, објави UNWTO во својот твит.
Украинскиот министер за надворешни работи, Дмитро Кулеба, исто така напиша во својот твит: „Русија е суспендирана од @UNWTO на првата вонредна седница на нејзиното Генерално собрание“.
„Благодарност до сите членови кои го поддржаа овој потег. Единствената насока на патување за руските воени злосторници треба да биде Хаг. Изолацијата на Русија ќе се продлабочува со секој ден од нејзината војна против Украина“, додаде Кулеба.
Руското Министерство за надворешни работи го потврди излегувањето на Русија од Светската туристичка организација на ОН во соопштение.
„Руската страна не смета дека е целисходно да продолжи да работи во UNWTO, чие раководство ја оправдува политизацијата на нејзините активности и отворено ја поддржува дискриминацијата на нашата земја. Во оваа насока, Руската Федерација одлучи да се повлече од Светската туристичка организација“, се вели во соопштението.