Коосновачот на „Nvidia“, Џенсен Хуанг, поднесе оставка од функциите претседател, извршен директор и член на Управниот одбор на компанијата, со моментално дејство, соопшти денеска „Nvidia“. Компанијата привремено ќе ја води финансиската директорка Колет Крес.
Хуанг ја коосноваше „Nvidia“ во 1993 година и оттогаш беше на чело на компанијата.
Како што се наведува во соопштението на компанијата, Крес, покрај функцијата привремена извршна директорка, ќе продолжи да ги извршува и должностите извршен потпретседател и финансиски директор, сè додека не биде именуван нејзин постојан наследник. Управниот одбор започнал потрага по нов директор и ќе ги разгледува кандидатите од компанијата, но и надвор од неа.
Крес е финансиска директорка на „Енвидија“ од септември 2013 година. Пред тоа, речиси 25 години работела на финансиски позиции во технолошки компании, меѓу кои „Сиско“ и „Мајкрософт“.
Прв претседател на Управниот одбор
Управниот одбор за свој прв претседател во историјата на компанијата го именуваше Харви Си Џонс, претприемач и инвеститор, кој претходно бил извршен директор и извршен претседател на компанијата „Синопсис“.
„Колет ѝ помогна на ‘„Nvidia“ да помине низ период на исклучителен раст и има длабоко разбирање за нашето работење, клиентите, операциите и финансиската состојба. Управниот одбор има целосна доверба во Колет и раководниот тим и очекуваме работењето на компанијата, обврските кон клиентите и планот за развој на производите да продолжат без прекин“, изјави Џонс.
Се огласи и новата привремена директорка на технолошката компанија.
„Силата на ‘„Nvidia“ ’ отсекогаш доаѓала од нејзините луѓе. Заедно со нашиот раководен тим, посветена сум на надградување на извонредните темели што Џенсен ги создаваше во изминатите 33 години“, изјави Крес.
Управниот одбор му се заблагодари на Хуанг за, како што беше наведено, неговиот немерлив придонес за компанијата и индустријата.
Оставката доаѓа по аферите
Оставката доаѓа неколку дена откако Управниот одбор покрена независна истрага по извештаите дека Хуанг бил цел на странска разузнавачка активност.
Аферата со Алис Хуанг изби на 29 октомври, кога „Њујорк тајмс“ објави дека Хуанг бил во блиска врска со оваа кинеска бизнисменка. Таа е извршна директорка на сингапурската компанија „Мегаспид“, која, според медиумските извештаи, во период од две години купила чипови од „Nvidia“ во вредност од 4,8 милијарди долари.
Американските претставници се сомневаат дека таа работи за кинеското Министерство за државна безбедност, а во таен меморандум од пролетта оваа година била опишана како шпионка.
Пекинг ги отфрли обвинувањата како неосновани. Хуанг на 8 ноември, во писмо до вработените, призна дека ѝ бил неверен на сопругата, но во писмото не ја спомена Алис Хуанг по име. Истиот ден, Управниот одбор покрена независна истрага.
Три дена подоцна, „Њујорк тајмс“, повикувајќи се на пет сегашни и поранешни вработени во „Nvidia“, објави дека Хуанг имал афера и со Кимберли Пауел, потпретседателка на компанијата задолжена за здравство, која директно му одговарала нему.
Според овие извори, двајцата претходно оваа година биле снимени како разменуваат знаци на блискост во хотел во Сан Хозе, за време на конференција. Пауел, исто како и Хуанг, е во брак.