МВР најави проверка на реакцијата во кризна ситуација
Министерството за внатрешни работи соопшти дека денеска од 15 часот и утре од 13.30 часот на меѓународниот аеродром „Свети Апостол Павле“ во Охрид ќе се одржи симулациска вежба.
Целта на активноста е проверка на подготвеноста, координацијата и ефикасноста на надлежните институции при справување со кризни и вонредни ситуации, информираат од МВР.
Засилено обезбедување и симулирани детонации
Од Министерството посочуваат дека на аеродромот и во неговата околина ќе има зголемено присуство на полициски службеници и возила.
Во рамки на вежбата ќе се слушаат симулирани пукотници и детонации, како дел од сценариото за обука и проверка на реакцијата на службите.