Сообраќајна несреќа во Биџево на патот Р2243 – судир меѓу мотоцикл и велосипед
Сообраќајна несреќа во Биџево се случила на 6 август 2025 година, во 10:40 часот, на регионалниот пат Р2243. Судирот се случил помеѓу мотоцикл „Јамаха“ со германски национални ознаки, управуван од И.М. (38) од село Мислодежда, и велосипед управуван од Р.Т. (79) од село Биџево, струшко.
Во несреќата со тешки телесни повреди се здобил велосипедистот. Повредите се констатирани во Специјалната болница „Св. Еразмо“ во Охрид, информира Министерството за внатрешни работи.
На местото на несреќата извршен бил увид од увидна екипа на Одделението за внатрешни работи Струга.