Фактите се мерат со бројки. Вратен долг (отплатена главнина) во првите 24 месеци од мандатот: СДС–ДУИ: 49,6 милијарди денари – 806 милони евра вратена главнина на долг. ВМРО-ДПМНЕ: 142,2 милијарди денари – 2,31 милијарди евра вратена главнина на долг. Тоа се 2,87 пати или 187% повеќе средства насочени кон сервисирање на доспеаната главнина, се вели во соопштението на ВМРО-ДПМНЕ од фејсбук објавата на Бојан Стојаноски, пратеник на ВМРО-ДПМНЕ.
Важно е да се напомене дека средствата што ги исплаќа оваа влада се без исклучок земени во мандатот на претходната влада. Одговорното управување со јавните финансии значи обврските да се сервисираат навреме, а истовремено да се обезбедат средства за функционирање на државата, инвестиции и развој. 2,31 милијарди евра вратена главнина за две години. Бројките најдобро ја покажуваат тежината на обврските што државата ги сервисира, напиша тој.