Во тешка сообраќајна несреќа со учество на повеќе возила во Кенија животот го загубија најмалку 17 лица.
Трагичниот инцидент се случил во текот на ноќта во областа Салама. Според официјалните соопштенија, до несреќата дошло откако возач на камион не успеал безбедно да престигне друго возило, што предизвикало директни судири со други возила на коловозот, вклучително и патничко комбе.
Полициските служби претходно соопштија дека во несреќата загинале најмалку 13 лица, но бројот на жртвите подоцна се искачи на 17 лица кои им подлегнаа на повредите.
„Луѓето патуваа кон место за молитва во округот Накуру, западно од кенискиот главен град Најроби“, изјави Мартин Кивува, надбискуп на Католичката надбискупија во Момбаса.
Сообраќајните несреќи остануваат сериозен и постојан проблем низ цела Африка. Ваквите кобни судири најчесто се припишуваат на лошото техничко одржување на возилата, прекумерната брзина и лошата состојба во која се наоѓаат патиштата.