Ленче Софрониевска, истакнат правник и судија кој значајно го обликуваше современиот судски систем во Македонија, почина вчера на 77-годишна возраст, соопшти семејството. Таа својот професионален живот го посвети на реформи во правосудството, со цел обезбедување на независност и самостојност на судската власт од извршната и законодавната власт.
Софрониевска е родена на 14 јануари 1948 година во Скопје. Кариерата во правосудството ја започнува во 1974 година во Општинскиот суд Скопје 2, кога станува најмладиот судија во тогашната СР Македонија. Во претходниот систем, таа била претседател на Судот на здружен труд и член на Претседателството на ЦК СКМ.
По прогласувањето на независноста на Република Македонија, Софрониевска била советник во првата Влада и генерален секретар на Владата. Во подоцнежниот период, таа работела како судија и претседател на Апелациониот суд во Скопје, а исто така била член и претседател на Републичкиот судски совет.
До своето пензионирање, Софрониевска продолжила да придонесува како адвокат, оставајќи значајен печат во правниот систем на земјата.
Извор: Независен