Трамп го назначи Ричард Гренел за специјален претседателски пратеник кој ќе се занимава и со Балканот

Близок пријател на Христијан Мицкоски

Доналд Трамп го номинираше Ричард Гренел за претседателски пратеник за специјални мисии, а негова задача биде да се занимава и со Балканот.

Една од клучните личности која привлекува внимание е Ричард Гренел, блискиот соработник на Трамп, кој ја посети Македонија и се сретна со премиерот Христијан Мицкоски. При таа средба се разговараше за можни американски инвестиции во енергетиката на Македонија, што за македонската влада претставува значаен чекор кон продлабочување на економските релации. Гренел важи за влијателна личност, а ова може да ѝ помогне на македонската влада и премиерот.

Доналд Трамп го номинираше Ричард Гренел

Трамп за Гренел опиша дека тој ќе биде човекот задолжен за, како што пишува Трамп, „некои од најжешките точки во светот“.

„Ричард ќе продолжи да се бори за мир преку сила и секогаш ќе ја става АМЕРИКА НА ПРВО МЕСТО“, додаде Трамп.

Гренел и кариера во Германија

За време на неговиот амбасадор во Берлин, каде што Трамп го испрати за време на неговиот прв претседателски мандат, Гренел често ја критикуваше Германија и нејзината тогашна канцеларка Ангела Меркел, жалејќи се на, како што рече, недоволниот финансиски придонес на земјата во НАТО.

Дури и откако му заврши мандатот во Берлин, 58-годишниот Гренел често ја критикуваше Германија. Неговото име беше споменувано дури и како иден државен секретар на САД, но изборот на Трамп на крајот падна на сенаторот од државата Флорида, Марко Рубио.