Вашингтон тврди дека е постигнат договор со Техеран за нуклеарната програма
Американскиот претседател Доналд Трамп изјави дека Иран се согласил да се откаже од развој на нуклеарно оружје, посочувајќи дека меѓу двете страни е постигнат договор по ова прашање.
Во поткаст на „Њујорк пост“, Трамп изјави дека веќе е постигнат договор за нуклеарното оружје на Иран.
– Не можеме да им дозволиме нуклеарно оружје. Тие веќе се согласија да немаат. Тоа беше голема работа, посочи Трамп.
Тој негираше дека Иран има предност во судирот.
– Иран нема морнарица. Нема воздухопловни сили. Имаат многу малку војници. Немаат лидерство, воопшто немаат … Нивната економија се урива. Нивната инфлација е 250 проценти. Што лошо можете да замислите, тие го имаат, наведе Трамп.
Според него и блокадата на Ормуска Теснина набрзо ќе биде решена, додавајќи оти САД имаат „многу голем воен успех во Иран“.