ТРАМП ПОТВРДИ ДЕКА Е ПОСТИГНАТ ДОГОВОР СО ИРАН: Ормускиот Теснец ќе биде повторно отворен, а американската поморска блокада ќе биде укината

Американскиот претседател Доналд Трамп потврди дека САД и Иран постигнале договор, со што ја потврди претходната информација објавена од Пакистан.

Во објава на својата социјална мрежа „Трут соушл“, Трамп напиша дека договорот со Исламската Република Иран е целосно постигнат.

„Договорот со Исламската Република Иран сега е комплетиран“, напиша Трамп.

Тој соопшти дека целосно го одобрува отворањето на Ормускиот Теснец без наплата, а истовремено и итното укинување на поморската блокада што ја спроведуваа Соединетите Американски Држави.

„Со ова целосно го одобрувам отворањето на Ормускиот Теснец без наплата и истовремено го одобрувам итното отстранување на поморската блокада на Соединетите Американски Држави“, напиша американскиот претседател.

Трамп објавата ја заврши со порака до светските бродови да ги стартуваат моторите и повторно да почне протокот на нафта.

„Бродови на светот, стартувајте ги моторите. Нека потече нафтата“, порача Трамп.