До 08:30 часот утрово најсвежо е во Берово, 13 степени, а максимални 21 степен се измерени во Крушево. Според УХМР, 15 степени е во Лазарополе, 16 во Крива Паланка и Битола, 17 во Тетово и Струмица, 18 во Скопје-Петровец, Охрид, Претор и Прилеп, 19 во Штип, Велес и Попова Шапка, како и 20 степени во Скопје-Зајчев Рид, Маврови Анови, Виница, Кавадарци, Демир Капија, Гевгелија и Дојран.
Времето денеска ќе биде сончево и многу топло со мала локална облачност. Ќе дува умерен, наместа повремено засилен ветер од јужен правец. Максималната температура ќе биде во интервал од 36 до 42 степена, а УВ индексто ќе изнесува 10.
Во Скопје сончево и многу топло со мала облачност и со умерен, повремено засилен ветер од југозападен правец. Максималната температура ќе достигне 40 степени.