Голем пожар ја зафати областа кај Струмица вечерва, предизвикувајќи голема загриженост кај локалните жители. Пожарот избувнал во делот од Струмица покрај градските гробишта, населбата Сафилар и во близина на селото Баница.
Силниот ветер го разгорел огнот, кој брзо се проширил, предизвикувајќи пожар во делови од шума, земјоделски површини и нискостеблести растенија.
Засега нема информации за причините на пожарот, но е јасно дека неговата брза експанзија го ставила на голем ризик околното население.
Противпожарните екипи од Струмица се на терен. Го локализираат пожарот со цел да го спречат да стигне до куќите и други објекти. Според последните информации, во акцијата за гаснење на огнот се вклучуваат и пожарникари од други градови.
Граѓаните на Струмица се упатуваат кон надлежните органи да бидат подготвени за секоја ситуација, а спасувачките екипи и понатаму работат на сузбивање на стихичниот пожар.