Златарница во западен Лондон била ограбена среде бел ден, откако маскирани лица со чекани го скршиле излогот и однеле скапоцености.
Видео што стана вирално на социјалните мрежи прикажува двајца мажи со качулки како со чекан го кршат стаклото од излогот на златарницата „Грегори и Ко“ во Ричмонд.
Додека ги собираат предметите во сина ќеса, еден вработен се обидува да им се спротивстави со мала кутија. Друг член на персоналот се обидува да ги врати предметите од излогот назад во продавницата.
По кражбата, осомничените избегале во правец на Ричмонд Грин.
Полицијата повика сведоци да се јават во врска со настанот, за кој е наведено дека се случил околу 10:30 часот по Гринич во саботата.