Ѓерданот како симбол на последните моменти
Ерика, вдовицата на Чарли Кирк, на комеморативниот настан вечерва носеше ѓердан со привезок „Свети Михаил“, истиот што нејзиниот сопруг го имал околу вратот кога беше смртно застрелан. Малата икона, со видливи траги од крв во вдлабнатината на крстот, била откината од медицинскиот персонал додека се бореле да му го спасат животот на Кирк за време на трагичниот настан во Јута.
Предчувства и стравови за безбедноста
Ерика (36) откри дека Чарли пред својата смрт често споменувал дека може да почине од насилна смрт. Минатата година добил бројни закани, поради што со месеци се движел со тим телохранители. Само една вечер пред пукањето, Кирк и неговата сопруга вечерале со верски водач во Феникс, каде што се молеле пред неговата турнеја низ универзитетски кампуси. Таа вечер, Ерика го замолила да носи панцир, но Кирк одбил, уверувајќи дека се чувствува безбедно со својот тим и дека дополнително обезбедување ќе биде присутно на настанот.
Последни моменти и нова улога на Ерика
Ерика сведочи дека, и покрај советите на шерифот, инсистирала да го види телото на својот сопруг во болницата.
„Неговите очи беа полуотворени, со енигматична насмевка како на Мона Лиза. Изгледаше како да замина среќен, како Исус да го спасил“, изјави таа.
Само деновиве, Ерика беше назначена за претседател на Turning Point USA, организацијата што Чарли Кирк ја основаше во 2012 година.