„Ново поглавје – Стратегија Македонија 2030“ е визија за модерна, стабилна и европски ориентирана Македонија. Стратегијата која е на долг рок, поставува јасен правец и систем на управување што ја заменува импровизацијата со институционална зрелост. Нашата цел е држава што создава стабилност, економска моќ и самодоверба. Како и обезбедување на стабилност и државна безбедност, изјави Валентин Манасиевски од ВМРО-ДПМНЕ.
Тој денеска го презентира, како што кажа, првиот стожер од стратегијата Македонија 2030, а тоа е обезбедување на државната безбедност и стабилност, каде овие аспекти играат клучна улога.
„Во време на сериозни геополитички промени, сајбер-напади и хибридни закани, безбедноста станува основа за секоја друга државна политика. Само држава што е модерна, отпорна и институционално заштитена може да обезбеди развој и стабилност,“ рече Манасиевски, нагласувајќи дека безбедноста и стабилноста одат рака под рака и се поврзани со државната цел за безбедност и стабилност.
Појасни дека стабилноста и државната безбедност се темели на четири приоритети, кои се клучни за безбедноста и стабилноста на земјата.
„Првиот приоритет е модерна Армија со реални НАТО стандарди. Технолошко унапредување, современи системи на командување и развој на сајбер-одбранбени единици. Армија што навистина го штити државниот интерес. Вториот приоритет е национален модел за сајбер-безбедност. Сајбер-просторот е новото боиште. Потребен е национален центар за дигитална отпорност, јасни протоколи и стандарди што ќе ги штитат институциите, банките и критичната инфраструктура. Третиот приоритет, одбрана од хибридни закани и дезинформации. Создаваме државен механизам за анализа, брза реакција и заштита на демократските процеси, без нарушување на слободата на говор, но со заштита на вистината. И четврти приоритет, модерен систем за управување со кризи. Централен команден столб, автоматизирани процедури и регионална координација за брза, професионална и предвидлива реакција“, рече Манасиевски, посочувајќи дека токму овие мерки го подобруваат нивото на државна стабилност и безбедност.