Власта ја предлага Светлана Жупаноска за член на Советот на јавни обвинители, но проблемот е што таа не исполнува ниту еден услов од членот 32 став 1 од Законот за Советот, кој предвидува кандидатот да е или универзитетски професор по право, или адвокат или истакнат правник, вели пратеникот Антонијо Милошоски од ВМРО-ДПМНЕ.
„Тоа што била стручен соработник во суд, а потоа и советник за огласи и вработувања на Катица Јанева во СЈО (2016-2018г.) воопшто не ја прави истакнат правник. Доколку вакви кандидати станат членови на Советот за јавни обвинители дополнително ќе паѓа репутацијата на оваа институција и истата ќе нема авторитет за да ја остварува надлежноста врз обвинителствата во Македонија. Ќе гледаме само невкусни репризни бламажи како во Судскиот совет“ изјави Милошоски.