Претседателот на УФЦ, Дејна Вајт, го опиша хаосот што настанал за време на пукањето во хотелот „Вашингтон Хилтон“, каде што се одржуваше традиционалната вечера со новинари, на која присуствувал и американскиот претседател Доналд Трамп.

Според неговото сведоштво, во салата настанала паника, со превртени маси и вооружени лица кои се движеле низ просторот.

„Масите се превртуваа, луѓе влегуваа со оружје“, изјави Вајт, опишувајќи ги сцените во моментите на инцидентот.

Во својата реакција, тој употреби и вулгарен израз за да ја опише ситуацијата.

„Беше е*ено лудо“, изјави Вајт.

Инцидентот се случи за време на гала настанот, кога вооружен маж отвори оган во лобито на хотелот, по што безбедносните служби реагираа и го совладаа осомничениот.

Американскиот претседател Трамп беше итно евакуиран, а подоцна соопшти дека ранетиот агент на Тајната служба е во добра состојба и дека бил заштитен од панцирниот елек.

Истрагата за нападот продолжува, додека сведоштвата од присутните укажуваат на брза ескалација на ситуацијата и паника меѓу гостите.