Продолжуваат преписките меѓу скопската градоначалничка Данела Арсовска и градоначалникот на Општина Чаир, Висар Ганиу. Веројатно нивните преписки ескалираа вчеравечер кога Ганиу со сограѓани од Чаир собра ѓубре од Старата скопска чаршија и го истури пред Град Скопје. Данела Арсовска со маичка „Нирвана“ дојде пред Град Скопје околу 20 минути по полноќ, но Ганиу веќе си имаше отидено.
Целата драма беше „Во живо“ на Фејсбук, а граѓаните упатуваа многу пофалби, критики, но и сатирични коментари. Најголем дел од сатиричните коментари беа за маичката на градоначалничката Арсовска со написот „Нирвана“.
Погледнете исечок од целото видео кое одеше во живо на Фејсбук.
@24chasa.mkДанела се пушти LIVE во 00:20 на Фејсбук и дојде пред Град Скопје: Абе Висар кај бегаш, почекај да ти ги извадам документите! #skopje #makedonija #danelaarsovska #fyp♬ original sound – 24chasa.mk
Инаку, претходно Арсовска критикуваше дека Ганиу легализирал куќи со фалсификувани документи. Таа не запре таму со критиките и рече дека на криминален начин низ Чаир легализирал згради и ги впишувал во Катастар.
Ганиу пак ја обвини за ѓубрето. Вели дека Град Скопје не чисти во Чаир. Затоа тој го собра ѓубрето од старата скопска чаршија. За драмата да биде уште поголема, при оставањето на ѓубре пред Град Скопје и тој одеше во живо на повеќе медиуми. Погледнете исечок и од тоа видео.
@24chasa.mk Граѓани на Чаир собраа ѓубре од Старата скопска чаршија и го исфрлија пред канцеларијата на Град Скопје и градоначалничката Данела Арсовска Граѓаните беа предводени од градоначалникот Висар Ганиу којшто е во клинч со градоначалничката Арсовска околу дивоградбите во Чаир. Меѓусебните обвинувања се дека Град Скопје не го чисти ѓубрето за кое тие имаат надлежност. Извор: 4News #goviral #viral #skopje #cair #opstinacair #danelaarsovska #visarganiu #vlen #dui #bdi #albania #albanija #makedonija #skopje🇲🇰 ♬ original sound – 24chasa.mk
Ова не е прв инцидент меѓу нив двајца.