Се наоѓаме во критична фаза наметната од мутациите на коронавирусот. Овие мутации заедно со четвриот бран во кој се наоѓаме и антиваксерското дезинформирање на населението, недвосмислено ја укажуваат потребата од масовно, точно информриање за вакцинирањето. Тоа е пред се наша одговорност, истакна на денешната прес-конференција премиерот Зоран Заев на која ја најави новата владина кампања „Вакцинирај се“.
Премиерот посочи дека сите мора да разбереме дека вакцините се единствениот спас од тешки форми на болеста и смртен исход од вирусот.
Заев вели дека граѓаните мора да имаат точни и стручни информации за да се запре прогресот на пандемијата.
-Новите мерки што ги донесе владата даваат ефекти, подгледнете ги бројките од кога се мерките, имаме над 1.160.000 дози кои се аплицирани досега, истакна Заев.