Кубанскиот претседател Мигел Дијаз-Канел изјави дека земјата се подготвува за можен воен напад од страна на Соединетите Американски Држави. Тој нагласи дека Куба е целосно подготвена да се брани од каква било странска агресија.
„Одлучни сме да го одбиеме секој обид за странска воена агресија врз нашата земја“, рече Канел.
Ваквата изјава следува откако Трамп, запрашан дали би размислил за воена интервенција со цел да ја „ослободи“ Куба, даде отворен коментар за американските медиуми со порака дека сака да ја реши ситуацијата со островот пред крајот на својот мандат.
„Сакам да ја решам Куба пред да си заминам“, рече Трамп.
Трамп додаде дека Соединетите Американски Држави внимателно ја следат состојбата, давајќи оцена дека земјата се наоѓа во исклучително тешка ситуација и дека практично функционира како пропадната држава.