Иран пријави уште еден сериозен инцидент во кој нафтен танкер се запалил во водите на Ормуска Теснина откако наишол на подводна мина. Настанот предизвика дополнителна загриженост за безбедноста на поморскиот сообраќај во овој стратешки коридор.
Корпусот на исламската револуционерна гарда (ИРГЦ) соопшти дека ова е трет сличен инцидент регистриран во истиот реон во текот на денот. Според информациите од теренот, речиси секојдневно се евидентираат комерцијални бродови кои претрпуваат оштетувања откако ќе налегат на поставени мини.
Иранските власти претходно воведоа строг режим и ограничувања за движење на странските пловила низ Ормуска Теснина. Од ИРГЦ порачуваат дека секој брод што поминува низ овој теснец мора да поседува соодветна официјална дозвола, предупредувајќи дека во спротивно ќе продолжат да преземаат мерки против прекршителите.