Вучиќ најави митинг на Видовден – студентите реагираат
Вучиќ најави митинг на 28 јуни во Белград, на истиот ден кога претходно беше закажан голем протест на студентите. Точно на Видовден, кога веќе беше најавен голем студентски протест во блокада. Двете собири се закажани на истиот ден, што предизвика реакции во јавноста.
Потпретседателката на Народното собрание, Марина Рагуш, изјави дека „граѓаните не треба да се грижат“ и најави дека собирите ќе бидат одвоени, без судир. Таа потврди дека токму Белград ќе биде локација на митингот на поддржувачите на Движењето, иако претходно се шпекулираше дека ќе се одржи во Нови Сад.
Рагуш: Порака за напредокот на Србија, без инциденти
„Од митингот ќе биде испратена порака за напредокот на Србија, а државата има капацитет да обезбеди безбедност“, рече Рагуш. Таа додаде:
„Граѓаните не треба да се грижат и не треба да реагираат и да дозволат некој да ги манипулира, секој има право на политичко мислење и политички пораки, се треба да се одвива без агресија и инциденти и државата има капацитет да го организира и гарантира тоа и за Белград и за цела Србија“, изјави таа.
Студентите предупредуваат на можна ескалација
Академскиот пленум, организаторите на студентскиот протест, најавија дека најавата на власта да одржи контрапротест на истиот ден кога тие веќе го најавиле својот собир, го сметаат за провокација.
„Ова не е првпат властите да организираат контрамитинг. Во 1996 година тоа го направи Слободан Милошевиќ, кога речиси дојде до граѓанска војна“, порачаа од студентската организација.