За српскиот претседател Александар Вучиќ приоритет претставува да се задржат младите во регионот. Тој при денешната посета на нашиот главен град рече дека задржувањето на младите ќе обезбеди просперитет, стабилност и напредок за цела Европа.
Очекувам да разговараме за клучните принци на регионалната соработка, одржливиот развој, за климатските промени, но и за политиката на проширувањето на ЕУ, како стратегиски точки на понатамошните односи внатре во европскиот континент. Едни од побитните теми ќе бидат и сеопфатните политички, економски и социјални реформи, со какви реформи ќе се задржат младите луѓе на овие простори со што дополнително ќе се обезбеди просперитет, стабилност и напредок на цела Европа“, изјави претседателот на Србија, Александар Вучиќ преку Инстаграм пред почетокот на 12-от сосстанок на Процесот Брдо Бриони што денеска започна во Скопје.
Повеќе за денешниот состанок може да прочитате ТУКА.
„Србија, како и секогаш, останува доследна на своите искрени напори да создаде атмосфера на меѓусебна доверба, разбирање и почит, што го покажа преку бројни иницијативи кои отвораат големи можности за силна соработка меѓу земјите во регионот, во корист на сите кои живеат во Западен Балкан“, вели Вучиќ.
