Македонија би можела да биде една од многуте земји во светот во кои апликацијата Тик-Ток е забранета во училиштата. Во светот, од безбедносни причини, 16 земји го забранија Тик-Ток на глобално ниво, објави Плусинфо.
Ова е поттикнато од настаните во соседна Србија, каде што 13-годишно дете уби 8 соученици и домар во училиште во белградската населба Врачар.
Министерот за образование и наука, Јетон Шаќири, денеска рече дека продолжуваат состаноците за ограничувањето на користењето на социјалната мрежа Тик–Ток во основните и средните училишта.
– Ако во институциите за безбедност се потврди, како што знаеме, дека некои од видеата кои беа разгледувани од МВР се лош материјал, заедно со Министерството за информатичко општество, со Агенцијата за електронски комуникации и со другите институции ќе ги разгледаме сите можности за начинот на неговата употреба како апликација – објасни Шаќири.
Ќе се анализира и начинот на користење на другите алатки и социјални мрежи, односно како да има конкретни ограничувања во начинот на нивното отворање, потврдата на податоците, внесувањето на некои податоци итн. За тоа ќе биде разговарано со психолози, педагози и стручни лица од образованиот сектор.
– На крајот на учебната година која завршува, ќе имаме конкретен протокол, а од септември ќе има повеќе протоколи, повеќе прирачници – вети Шаќири.
Нешто слично во моментов се случува во САД, во сојузната држава Флорида. Минатата среда закон го менува сегашното законодавство околу безбедноста на интернет во јавните училишта во Флорида Претставничкиот дом на Флорида и се очекува да биде потпишан од гувернерот во следните неколку дена.
Според законот, секоја училишна област треба да усвои политика за безбедност на интернет. Секоја училишна област треба да го забрани пристапот на учениците до социјалните медиуми преку пристап до интернет што го обезбедуваат училиштата. Тик-Ток ќе биде забранет во училиштата, клубови и во атлетските тимови.
Повеќе владини агенции и приватни бизниси во светот воведоа или се обидоа да наметнат забрани за Тик-Ток. Земјите како Индија и САД изразија загриженост за сопственоста на апликацијата од страна на кинеската компанија ByteDance, обидувајќи се да ја забранат во продавниците за апликации.
Земјите како Индонезија и Бангладеш, пак, го забранија врз основа на загриженоста поврзана со порнографија. Други земји, како Ерменија и Азербејџан, воведоа ограничувања за да го ублажат ширењето информации што може да доведат до конфликт.
Сирија го забрани Тик-Ток наводно поради трговијата со луѓе во Европа и во други земји преку нејзината заедничка граница со Турција.
И Виетнам се закани дека ќе ја забрани платформата доколку не се отстрани токсичната содржина.
Повеќе информации за тоа во кои земји има забрани и ограничувања на Тик-Ток, на следниот ЛИНК.