Премиерот Христијан Мицкоски го критикуваше лидерот на ДУИ, Али Ахмети, велејќи дека Ахмети живее во минатото и не прави реформи во својата партија. Мицкоски истакна дека Ахмети треба да извлече поука и да се подготви за локалните избори со нова програма. Мицкоски додаде дека резултатите од изборите можат да влијаат на одлуката за предвремени парламентарни избори.
Ахмети живее во минатото: Критики од Мицкоски
„За жал господинот Ахмети се уште живее во минатото, затоа што ако живее во сегашноста ќе може да направи огромна материјална разлика помеѓу минатото и луѓето од минатото и сегашноста во која тој е во опозиција, а околу него има многу милионери кои што се збогатиле врз грбот на граѓаните во Македонија“, изјави Мицкоски.
Потребни реформи во ДУИ
„Доколку Ахмети е мудар како што се претставува, ќе извлече поука и наместо да се заканува, ќе направи структурни реформи и програмски и кадровски во неговата партија и со нови ликови со нова програма ќе излезе пред македонските граѓани да ја бара довербата“, рече Мицкоски, повикувајќи на промени.
Мицкоски потсети дека локалните избори се за неколку месеци.
„Има локални избори за неколку месеци од денеска, за помалку од пет месеци ќе имаме кампања, граѓаните ќе кажат која политичка партија ја заслужува довербата. Врз база на тие резултати може да носиме заклучоци дали ќе има предвремени парламентарни избори“, заклучи Мицкоски
Извор: Kurir,mk