Американскиот претседателски кандидат Доналд Трамп тврди дека актуелниот претседател Џозеф Бајден е под целосна контрола на Кина.
Говорејќи на митинг во Њу Хемпшир, Трамп во вторникот рече дека американската администрација не реагира на извештаите за кинеските активности во Куба, поврзувајќи го тоа со наводните финансиски врски на семејството Бајден со кинески компании, пренесува ТАСС.
„Џо Бајден е компромитиран претседател. Кина знае како е компромитиран. Имаат целосна контрола над него. Кина го поседува Бајден“, рече Трамп.
Тој додаде дека доколку биде реизбран за претседател, ќе побара од Пекинг да ја отстрани сета воена и разузнавачка опрема од Куба во рок од два дена.
Бајден неодамна го нарече кинескиот претседател Шји Џинпинг диктатор, потсетува медиумот.