Премиерот Христијан Мицкоски продолжува со средбите во САД. На македонската јавност еден од малкутемина новинари кои ѝ е познат е Такер Карлсон. Тој вниманието го привлече во февруари 2024 година кога направи интервју со Владимир Путин и го објави на мрежата Икс, предизвикувајќи глобално внимание.
Мицкоски се огласи за средбата
Разговарав со еден од највлијателните американски новинари, Tucker Carlson. Тој е познат по своите десни конзервативни ставови и со огромно влијание во американското општество. Пријатна средба и можност за размена на мислења и ставови за Македонија и регионот. Го поканив да ја посети нашата земја, напиша премиерот на социјалната мрежа ФБ.
Такер Свонсон МекНир Карлсон е американски конзервативен политички новивар, честопати со свои теории. Тој го водеше ноќното политичко ток-шоу „Такер Карлсон Вечерва“ на Фокс њуз од 2016 до 2023 година. Откако му беше раскинат договорот со Фокс њуз, тој беше домаќин на Такер на Х и „Такер Карлсон прикажува“.