Тие ги наведуваат ризиците од варијантата на коронавирусот омикрон што брзо се шири.Но, велат дека нема доволно научни податоци за да препорачаат да се дава четврта доза на целото население.
„Со оглед на претстојниот бран Омикрон, четвртата вакцинација може да се понуди во области со висок ризик (на пример, изложен здравствен персонал) и во системски критични области во рок од шест месеци по третата вакцинација“, соопштил одборот.Австрија во средата соопшти дека повторно ќе ги заостри ограничувањата од 27 декември за да го забави ширењето на варијантата омикрон.
Во ноември, владата објави четврто национално заклучување и рече дека ќе ги направи вакцините задолжителни за сите Австријци, прва земја од Европската унија што го сторила тоа.Додека тоа тринеделно заклучување ги намалило дневните инфекции со ковид-19 од рекордното ниво, земјата се подготвува за нов пораст. Веќе се потврдени неколку стотици случаи на омикрон.
„Сè уште нема докази дека оваа дополнителна вакцинација може да спречи инфекции. Сепак, може да се претпостави дека може да се спречат сериозни форми на болеста“, се вели во извештајот.