Автобус се запалил рано утринава, на 3 февруари 2026 година, на излезот К20 кај Солун, во близина на ДИПАЕ, во правец кон Синдос, додека се движел по автопатот Патра–Атина–Солун–Евзони. Според грчките медиуми, во возилото имало тројца патници и возач.
Сите патници и возачот навреме го напуштиле автобусот и нема повредени, но возилото целосно изгорело.
Според првичните информации, пожарот започнал од задниот дел на автобусот. На местото интервенирала противпожарната служба, која го ставила огнот под контрола и започнала истрага за причините за инцидентот.
Настанот се случува во период кога во Солунската област се бележат и други пожари на автобуси, поради што дел од грчките извештаи ја отвораат темата за можни технички причини и потреба од построги безбедносни проверки.