Беа најголеми кочничари на проектот Лидл, а сега го претставуваат како свој: Димитриевски демантира дека власта обезбедила пари за индустриската зона “Новини и Речица”

Градоначалникот на Куманово Максим Димитриевски реагира на соопштението на СДСМ, на ставот на Владата и на вицепремиерот Битиќи за наводите дека инвестициите во индустриската зона „Новини и Речица” во Куманово, вклучувајќи ја и последната на Лидл се обезбедени од страна на власта и нивните економски политики.

„Во целост го демантирам вицепремиерот Битиќи, бидејќи во оваа индустриска зона Владата освен 15 милиони денари во самата инфраструктура, во друго нема вложено ништо, иако ни беа ветени над 100 милиони денари за Општина Куманово за развој на оваа индустриска зона. Сите инвестиции кои се реализирани во зоната, до сега вкупно четири, се чисто приватни инвестиции, без поддршка на Владата и исклучиво приватнo финансирани од домашни и странски инвеститори. И изненаден сум од лицемерието на поединци кои присуствуваа на отварање и почнување на овој проект, бидејќи дел од нив беа најголемите ‘кочничари’ на денешниот проект што денеска овој еминентен инвеститор во нашиот град го почна. Јас им посакувам успех и среќа, а се надевам дека оваа пракса на среќно фрлање на лопати ќе замине, бидејќи ме потсетува на периодот на владеење на г-инот Груевски“, се вели во реакцијата на Максим Димитриевски.