За помалку од две недели, повеќе од 100.000 хектари шума во Грција беа уништени во најголемите пожари од 1937 година.
Пожарникарите на Пелопонез досега успеваат да го спречат пожарот кој се заканува на непристапната област покриена со борови шуми.
Во неколку случаи, пожарникарите дејствуваа во делови на Гортинија, додека во соседната област на планината Мајнало, градежните машини создадоа бариери за да спречат навлегување на огнот.
И локалното население се бори со пожарот заедно со пожарникарите со цел да ги заштитат куќите.
Во гаснењето на пожарот се вклучени хеликоптери и авиони.
На островот Евија, каде што пожарите беа најлоши, локалните жители се прашуваат од што ќе живеат бидејќи пожарот, покрај боровата шума, го проголта и добитокот.