Бројот на критични пациенти по пожарот во Кочани се намали на три
Министерот за здравство, Арбен Таравари, соопшти дека бројот на лица во критична состојба по пожарот во Кочани е намален на три, но нивната здравствена состојба и натаму е сериозна.
Состојбата на пациентите
„Едниот пациент, којшто беше критичен, сега е многу подобро, и веќе бројката на критични пациенти се намалува на три. Но, тоа не значи дека така ќе продолжи. Кај некои пациенти, за жал, има флуктуација во нивната здравствена состојба,“ изјави Таравари.
Од вкупно 193 повредени, во болничко лекување моментално се 100 пациенти. Дваесетмина се хоспитализирани во Македонија, а 80 се лекуваат во странски болници.
Враќање на пациенти на домашно лекување
Во текот на денот, двајца пациенти ќе бидат вратени на домашно лекување – еден од Полска и еден од Белгија.
„Имаме најава за враќање на повеќе пациенти до крајот на неделата. Очекуваме да се вратат тие што се целосно рехабилитирани,“ додаде министерот.