Епидемиолозите зборуваат за многу критична здравствена состојба, а медиумите најавуваат црна недела, бидејќи за време на викендите бројот на тестови е ограничен, и никогаш немало толку новозаразени и во толку висок процент на тестови.

Со направени 3415 тестови потврдени се 1815 ново заразени, додека пред седум дена со помал удел на позитивни тестови се евидентирани 1300 ново заразени.

Во последните 24 часа починале 12 пациенти, со што бројот на починати се искачи на 4.953 од почетокот на епидемијата во Словенија.

Седум-дневниот просек на ново заразени во еден ден е 3.239, 14-дневната инциденца се искачи на 2.031, бројот на хоспитализирани продолжува да расте, а бројот на активни случаеви е над 40.000 жители, објави во денеска (понеделник) Националниот институт за јавно здравје (NIJZ).

Во болниците моментално има 1.008 пациенти, од кои 226 се на одделенијата за интензивна нега. Владата нареди ново зголемување на капацитетот на одделенијата за интензивна нега, поради проценките дека вишокот капацитет во болниците ќе биде исполнет, најголемиот дел во последната недела од ноември, по што бројот на хоспитализирани би можел да почне да опаѓа.

Најголем број хоспитализации во текот на епидемијата на Ковид-19 во Словенија досега се забележани во вториот бран пред една година, кога на 26 ноември минатата година во болниците имаше 1324 пациенти кои се позитивни на Ковид-19, од кои 215 беа на интензивна нега.

За разлика од тогашната ситуација, кога дневно имаше по неколку десетици починати пациенти, сега состојбата е подобра, а таа заслуга пред се препишува на вакцинацијата, додека владата не планира долгорочно затворање и затворање на поединечни општини, како што беше случајот минатата година.

Со рестриктивните мерки воведени минатата недела се пропишува само употреба на потврдите за вакцинација т.е. Ковид-19 сертификат, или потврда за прележан коронавирус, со приложување документи за идентификација, скратена работа на локалите и забрани за работа на ноќните клубови и дискотеките, почесто тестирање за коронавирус на ученици во основните и средните училишта, како и забрани за големи јавни собири и други ограничувања.

Министерството за образование од оваа недела во училишните простории им пропиша на учениците да спроведуваат самотестирање за Ковид-19, за што имаше многу полемики и незадоволство.

Учениците чии родители одбиваат нивните деца да бидат тестирани, ќе мора да ги следат часовите онлајн од дома.