Епидемиологот Драган Даниловски вечерва гостуваше во емисијата „24 Анализа“ каде што истакна дека сплет на околности е што нема вакцини и дека основен проблем е што на некој начин ние како т.н. „сиромашни земји“ премногу сме верувале дека принципот на праведноста и солидарност ќе проработи во светот, особено кај богатите земји.
– Видовме дека пропадна она што беше планирано со Ковакс механизмот, им недостасуваа пари за вакцини. Одбиваа руски и кинески вакцини, не ги одобруваа. Од трета страна, оние што беа богати ги грабнаа сите количини и сега имаат толку дози да можат луѓето по шест пати да се вакцинираат – рече Даниловски.
Даниловски рече дека дел од земјите се обезбедиле и со ревакцинација, а ние се потпиравме на солидарност со соседите и со директна набавка и со директната набавка.