Затворска казна од девет години во отсуство му е доделена на поранешниот премиер Никола Груевски во случајот ТНТ за рушењето на објектот „Космос“ на Фијат Цаноски, кому обвинетите ќе треба да му платат оштета од 50 милиони денари.

Затвор му е пресуден и на поранешниот министер за транспорт и врски Миле Јанакиески кој доби три години, а по четири години добија тогашниот градоначалник на Општина Гази Баба Тони Трајковски и Елизабета Најдоска.

Случајот го водеше судијата Огнен Ставрев. За делото беа обвинети се повеќе лица меѓу кои ексминистерот за транспорт и врски Миле Јанакиески и тогашниот градоначалник на Општина Гази Баба Тони Трајковски, поранешниот премиер Никола Груевски, на кого му се суди во отсуство, како и еден градежен инспектор и тројца вработени во општина Гази Баба.

За време на процесот се докажа дека објектот „Космос“ е дивоградба и оти инвеститорот Фијат Цановски цело време барал политичко решение комплексот да не биде срушен. Сега тој има право да побара оштета од државата од неколку милиони евра