Дојави за бомби пристигнаа и во Куманово: Градоначалникот Димитриевски апелира на смиреност

Денеска дојави за бомби пристигнаа во девет основни и едно средно училиште на територија на Општина Куманово.

Станува збор за основните општински улилишта „11 Октомври“, „Бајрам Шабани“, „Браќа Миладиновци“, „Крсте Мисирков“, „Браќа Рибар“, „Јероним Дерада“, „Карпош“ – Умин Дол, „Кирил и Методиј“, „Кочо Рацин“ и средното општинско улилиште „Гоце Делчев“.

Како што соопшти кумановскиот градоначалник, екипите на СВР Куманово при Министерството за внатрешни работи се на терен и се преземаат мерки за расчистување на случаите.

Учениците и наставниците безбедно се евакуирани, а родителите и граѓаните да бидат смирени.
Во текот на вчерашниот ден, во општината имавме координативен состанок за справување во кризни ситуации и преземање на мерки, вели Димитриевски.