Еве зошто Трамп ни воведе царини од 33%

Пишува: Љупчо ЗЛАТЕВ

Како да препознаете идиот во македонската политика или новинарство?

Доколку видите дека некој напишал дека високите царини на Трамп кон Македонија (33%) и Србија (37%) се политичка одлука, исто како што е политичка одлука на Албанија, Косово, Црна Гора и Турција да им се дадат пониски царини од 10% – тогаш тој е идиот.

Овие проценти не се резултат на наклонетост или ненаклонетост, туку на тоа дали САД е во дефицит во размена на стоки со земјата.

Доналд Трамп воведе високи царини кон Македонија затоа што ние имаме трговски суфицит со САД  (исто како и Србија). Односно, од позиција на САД, тие имаат дефицит со нас.

Во 2024 од Македонија во САД имаме извоз вреден 118 милиони евра, од друга страна увозот од САД во Македонија е 60 милиони евра. Согласно ова, ние во САД извезуваме скоро двојно повеќе од тоа што увезуваме од таму. Затоа ни воведува царини, иако во апсолутни бројки од перспектива на економска размена квантумот е многу мал, сепак, тој е таков каков што е и не сака никаков дефицит.

Од друга страна, Косово, Албанија, Црна Гора имаат трговски дефицит со САД, односно САД има суфицит со нив, па согласно политиките на Трамп сите земји со суфицит имаат царини од 10%, додека другите имаат повисоки стапки.

Она што е значајно да се каже е дека пресметката дека ние имаме над 60% царини кон америка е целосна лажна вест на администрацијата на Трамп.

Процентот на нашите царини кон САД е многу помал, исто како за цела Европа и сите други земји, но од администрацијата на Трамп си правеле весели математики за практично да ги нападнат сите земји со кои се во дефицит.

ЕУ има 1% царини кон САД во Моментов, но тие измислуваат некакви 39%. Во исто време, само затоа што САД има многу мал дефицит со Турција и со Велика Британија споредбено со тој со ЕУ, па на Турција и Британија и воведуваат 10% царини, иако турските царини кон САД да речеме се многу повисоки од тие на ЕУ кон САД.

ЗНАЧИ, ТРАМП НЕ ГО ИНТЕРЕСИРА КАКВИ ЦАРИНИ ИМАМЕ НИЕ КОН САД – ТРАМП САКА ДА Е ВО СУФИЦИТ СО НАС!

На крајот, клучното прашање: Како нас ова ќе не погоди?

Директно, нашата трговска размена со САД е многу мала и нема да имаме големи економски реперкусии, но, индиректно затоа што ќе биде погодена ЕУ, каде што ние имаме најголем дел од извозот – ќе бидеме многу погодени.

Глобално, доколку ЕУ врати со тарифи на САД, глобалната економија ќе изгуби над 1.3 трилиони долари и сите ќе бидеме во рецесија.
Ако ви треба економист, контактирајте ме, имам добри референци. Ако ви требаат политиканти и џукели, обратете се на друга врата…