– Ние инсистираме слични правила да важат за пристигнувањата од двете насоки, рече Фон дер Лајен.
Таа објасни дека епидемиолошката слика во Европската унија и САД сега е многу слична.
– Треба да го решиме ова прашање што е можно поскоро, ние сме во контакт со нашите американски пријатели. Ова не смее да се одложи со недели, рече Фон дер Лајен.
Европската унија ги стави САД на листата на трети земји за кои ограничувањата не важат од јуни, но САД продолжуваат да применуваат забрана за влез за сите луѓе што патуваат од Европската унија, со исклучок на американски државјани или други групи како што се блиски роднини, дипломати и вработени во меѓународни организации.