Лари, мачката од Даунинг стрит, испрати шест британски премиери до јуни 2026 година и стана сензација на социјалните медиуми. Во резиденцијата го донесе Дејвид Камерон.
Потоа, на политичката сцена, беа Тереза Меј, Борис Џонсон, Лиз Трас, Риши Сунак и Кир Стармер, кој неодамна поднесе оставка. Оваа мачка чека на доаѓањето на седмиот премиер.
Лари беше спасен од Домот за кучиња и мачки Батерси во Лондон во февруари 2011 година, а потоа донесен на Даунинг стрит. Во тоа време, зградата имаше сериозен проблем со глодари, па затоа му беше доделена титулата главен ловец на глувци во кабинетот.
Оваа мачка стана омилена меѓу персоналот, но и меѓу корисниците на социјалните медиуми кои ги споделуваат неговите фотографии. Неговиот фан профил Лари Мачката за премиер има речиси 90.000 следбеници.
Откако Кир Стармер поднесе оставка, фановите објавија фотографија од мачката и се пошегуваа: „Тој поднесе оставка за конечно да можам да заблескам“.
„Лари би бил подобар премиер. Јас би гласал за него“, „Секогаш блескаш, Лари. Ти си национално богатство“, „Мојот глас оди кај тебе“, се некои од коментарите.