Германскиот новинар и познавач на Балканот, Михаел Мартенс, остро ја критикуваше позицијата на новата бугарска министерка за надворешни работи во објава на X (Twitter).

Според Мартенс, министерката „со убаво лице, но стари идеи“ продолжува со политиката на Бугарија која, како што вели тој, има за цел „уништување на Македонија одвнатре“.

Тој исто така ја обвини дека „негира постоење на бугарски граѓани кои се идентификуваат како Македонци“.

Мартенс заклучува дека Македонците нема да ја прифатат оваа политика и дека единствен победник од ваквиот застој на македонскиот европски пат ќе биде Србија.

Објавата доаѓа како реакција на официјалниот став на бугарското Министерство за надворешни работи, кое повторно ја потврди цврстата позиција дека Македонија мора целосно да ги исполни обврските од 2017 година, протоколите и јулскиот компромис од 2022 година, вклучувајќи ги правата на Бугарите во Македонија.

Михаел Мартенс е долгогодишен дописник за Југоисточна Европа на весникот „Франкфуртер Алгемајне Цајтунг“ и често коментира балкански теми.