Претседателот на македонскиот тим од заедничката комисија, Драги Ѓоргиев во гостување во емисијата „Топ тема на ваша страна“ коментирајќи ја одлуката на македонската и бугарската влада заедно да го чествуваат раѓањето на Гоце Делчев во петок, вели дека тоа е нивна политичка одлука и комисијата нема никакво учество во таа одлука, како и дека нивната дискусија за Гоце Делчев со бугарските колеги продолжува понатаму.
-Тоа е политичка одлука на владите на двете држави. Јас тоа го почитувам како добра волја на двете влади, тоа е нивна одлука, меѓутоа морам да кажам дека комисијата овде нема никакво учество во таа одлука и комисијата продолжува со дискусијата за Гоце Делчев, вели Ѓоргиев.