Состојба во јавните претпријатија и недостиг на основна опрема
Градоначалникот на Град Скопје, Орце Ѓорѓиевски во НАТКАСТ на КУРИР ја опиша состојбата што, како што рече, ја затекнал во јавните претпријатија.
Тој изјави дека вработените во „Комунална хигиена“ немале земено три плати, додека во некои други претпријатија заостанувале и по четири плати. Според неговите наводи, биле затекнати само 16 функционални камиони.
Ѓорѓиевски наведе дека не бил оставен ниту еден вишок контејнер кој би можел да се користи за замена на микро локации.
Тој додаде дека проблемот во Скопје се однесува на два аспекти, недостиг на механизација и недоволен број контејнери на терен.
Недостиг на контејнери и планови за нова набавка
Според неговите објаснувања, на некои микро локации наместо шест контејнери има само еден, два или најмногу три.
Како што рече, тоа доведува граѓаните да го оставаат отпадот надвор од контејнерите.
Тој најави дека е во финална фаза избор на оператор за набавка на 2.600 нови контејнери за Град Скопје.
Овие контејнери, според најавите, треба да ги покријат долгогодишните потреби и да го променат изгледот на централното градско подрачје.
Ѓорѓиевски посочи дека градот има над 600.000 жители, како и голем број туристи, и дека моменталната слика на дел од локациите е незадоволителна.
Механизација и нови договори за камиони
Тој за НАТКАСТ истакна дека е потпишан договор за набавка на околу 40 нови камиони за „Комунална хигиена“.
Според него, со оваа набавка треба да се подобри функционирањето на комуналните служби во градот.