Сириската армија соопшти дека соборила израелски ракети истрелани во предградието на Дамаск, а други кои не биле пресретнати предизвикале одредена штета.
Израелската армија не ги коментираше информациите во друг ден од војната против исламистичкото движење „Хамас“ додека напредува во центарот на вториот по големина град во Газа, Кан Јунис, и северно од него, во Деир ал Балах. Тензиите се зголемуваат и долж северната граница со Либан, каде има поинтензивни ракетни истрели, неколку дена по убиството на новинарот на Ројтерс.
Главниот портпарол на армијата, контраадмиралот Даниел Хагари, исто така, пријави голема мрежа на тунели во градот Газа на север, во област во која се сместени владините институции кои ги држеше Хамас 15 години, вклучувајќи ја и канцеларијата на водачот на Газа Јахја Синвар. Тоа беше, исто така, според Хагари, „главниот команден центар“ користен за време на нападот на 7 октомври во кој загинаа 1.200 луѓе во Израел. За време на битката, борците се преселиле на друго место; Израел верува дека отишле кај Кан Јунис.
Интензивни борби се забележани и во бегалскиот камп Џабалија, исто така на север.
Здравствените власти во Газа зборуваат за речиси 18.000 убиени во израелските напади и 49.500 ранети. Повеќе од 100 од речиси 240 израелски заложници беа ослободени за време на еднонеделното примирје што заврши на 1 декември. Според палестинските медиуми, цитирани од Ал Арабија, десетици се убиени само во гранатирањето на Рафах (југозападно од Кан Јунис) во последните часови.