Францускиот напаѓач Килијан Мбапе има желба да си замине од Реал Мадрид во 2027 година поради длабоко разочарување од однесувањето и постапките на клупското раководство, пренесува новинарот Франсоа Гаљардо во емисијата „Ел Чирингито“.
Според информациите на Гаљардо, раководните луѓе на шпанскиот гигант немаат намера да застанат на патот ниту да се спротивстават на ваквата намера на францускиот репрезентативец. Неговата желба и амбиција е фудбалската кариера да ја продолжи во англиската Премиер лига, каде што гледа нов спортски предизвик.
Тензиите меѓу играчот и управата не се сосема нови, со оглед на тоа што претходно во спортската јавност во Шпанија се говореше дека напаѓачот бил лут на клубот поради отсуството на поактивна и посилна поддршка за неговата кандидатура во трката за престижната „Златна топка“.
Овој 27-годишен фудбалер пристигна на стадионот „Сантијаго Бернабеу“ во текот на 2024 година, а во досегашниот период со шпанскиот тим успеа да ги освои само трофеите во Суперкупот на Шпанија и Интерконтиненталниот куп. Недостатокот на позначајни големи титули и севкупниот однос што управата го покажува кон него се наведени како клучни фактори што го наведуваат да планира заминување, и покрај фактот што мадридскиот клуб со години вложуваше огромни напори за да го реализира неговиот трансфер.